FARM TO MARKET INFRASTRUCTURE NATIBAWAS NA

Lantawa:

3.4 Kilometer nga Road Concreting ang hinayong natibawas diin gipunduhan kini sa Department of Trade and Industry (DTI) in partnership sa Department of Interior and Local Government (DILG), Rural Agro-enterprise Partnership for Inclusive Development and Growth (RAPID Growth) diin financed gikan sa International Fund for Agricultural Development (IFAD), Department of Public Works and Highways (DPWH) uban ang pangagamhanang local sa Lantapan. 

Ang proyekto naka-kontrata sa 240 Days apan gumikan sa daling ulanon ang lugar asa anaa sa Reserved Forest sa Mt. Kitanglad Range Natural Park, sa Cinchona Forest Reserved, Kaatuan, Lantapan, hinungdan nga medyo nadelatar ang pagtibawas sa proyekto.  Nasugdan ang Road Concreting sa milabay’ng Hunyo 10, 2022 ug natibawas sa Octobre ning tuiga kansang proyekto ang napunduhan sa 54milyones kapin ka pesos. 

Ang turned-over sa Farm to Market Road Infrastructure (FMI) ang gipangunahan sa DTI-10 pinaagi ni Ms. Jocelyn N. Rosales, Special Project Management Unit (SPMU) ug Ermedio J. Abang, DTI Regional Director ug ang ubang opisyales sa Bukidnon DTI Provincial Office, diha usab si Rhona P. Abadilla, Director, DILG Bukidnon, ug Hon. Ernie R. Devibar, Lantapan Municipal Mayor ug Engr. Jessell S. Pacturan, Municipal Engineer uban ang mga Peoples Organizations nga maoy usa sa benepesyaryo sa Proyekto.

Nasayran nga ang implementasyon sa FMI tumbok niini ang mga peoples organization nga nagkahugpong sa pagpanguma sa kape gane gawas sa FMI mipahat usab og Livelihood Assistance ang DTI sa Trainings lakip ang inputs alang sa pagpatubo sa kape lakip ang pagpamalit sa produkto diin partners sa DTI ang Linear Coffee nga maoy mopalit sa produkto.

Gawas sa Coffee Farmers, makabenepesyo sab niini ang laing mga mag-uuma ilabina sa Vegetable Farmers.

Ang 3.4 KM nga Road Concreted ang all weather access road nga kanhiay lisod agian kon mag-ulan ilabina ang tunga-tungang bahin sa Cinchona Forest Reserved nga naagian sa proyekto. 

Dako ang kalipay sa LCE sa napahat nga proyekto diin makulang-kulangan na ang Barangay Road nga amomahon sa pangagamhanang local sa Lantapan. 

Gitunol ang FMI Project kaniadtong December 6, 2023, diin ang programa napahigayon mismo sa Cinchona Forest Reserved Ground, Kaatuan, Lantapan, Bukidnon.

Mass Oath Taking sa mga Boluntaryo

Lantawa:

Gatus kapin ka mga boluntaryo sa Barangay Bugcaon ang hinayong na-renew ang ilang appointment human sila nanumpa atubangan ni Hon. Cynthia R. Maraveles, Punong Barangay.  Ang kalihukan sinaksihan sa mga Opisyales sa Barangay lakip ang konseho sa Sangguniang Kabataan.  Matag usa usab ang nakapadayag sa ilang malahutayon nga pagsanong asa sila nahaum sa ilang katungdanan sa matag Sona nga ilang gigikanan.  Gikan sa mga Barangay Tanod, Lupong Tagapamayapa, Barangay Nutrition Scholar, Child Development Worker, Barangay health Worker, Barangay Service Point Officer, Barangay Sanitation Inspector lakip ang Utility Worker ug Sona Officials nga milangkub sa unom ka Sona ang maong Barangay.  Giila usab sa matag boluntaryo ang ilang dako ug bug-at nga kaakuhan ngadto sa ilang mga silingan asa sila moserbisyo. 

Child Development Center Devices Turned-over

Lantawa:

Makompleto ang kap-atan ug pito (47) ka tunghaan sa Child Development Center nga gilangkuban sa napulog-upat (14) ka Barangay ning lungsod ang Indoor Devices alang sa mga tinun-an nga mga Pre-schoolers nga gidumala sa Municipal Social Welfare and Development.  Sa pagtunol diha si Hon. Ernie R. Devibar, Lantapan Municipal Mayor ug Ms. Normie S. Dumaque, Municipal Social Welfare Officer diin gipahimangnuan ang mga CDC Workers nga gikinahanglang e-set-up sulod mismo sa CDC Center aron molungtad ug daghan pang mga pre-schoolers ang maka-benepesyo niini.  Kabahin kini aron ma-enganyo ang mga kabataan ug ginikanan nga magpatungha sa matag CDC Centers nga maoy unang ang-ang sa edukasyon ngadto sa mga kabataan ug kabahin usab sa pangagamhanan ang susamang programa. 

Nasayran usab nga kapituan (70) ka Sets ang anaa sa MSWD Office ug posible nga mabahinan ang mga elementaryang tunghaan nga anaa sa Pre-schools. 

Gawas niining mga Devices regular usab nga nagpahigayon ang mga CDC Workers sa Feeding matag semana.

LMP BUKIDNON CHAPTER X’MAS PARTY WITH PROV’L GOVERNOR

LANTAWA:

Nagmalamapuson ang napahigayong panagtigum sa mga membro sa League of Municipalities of the Philippines Bukidnon Chapter ubos sa pagpanguna ni Hon. Ernie R. Devibar, LMP President, Lantapan Municipal Mayor, alayon na ning pagsaulog sa pasko. Nagmabulokon ang katiguman human misalmot sa kalihukan si Hon. Rogelio “Neil” Roque, Governor, Province of Bukidnon, uban sa representante ni Sen. Christopher Lawrence “Bong” Tesoro Go pinaagi ni Atty. Villacampa. Gilauman nga ning pagsugod sa tuig 2024, daghang proyekto ang mabubo sa matag lungsod, ning kahiusahan sa Probinsya alang sa sentro niining pagpatuman sa mga programa ug proyekto kansang tumong ang padayong pagpalambo sa Probinsya. 

Ang kahigayonan ning panagtigum sa LMP Bukidnon Chapter kauban ang amahan sa Probinsya sa Bukidnon ning pagsaulog sa Pasko usa ka sinyales nga nagkahiusa alang sa susamang tumong nga mapadayon ang pag-alagad ngadto sa matag molupyo sa lalawigan hangtod ang mga piniling opisyales nga maoy gipiyalan sa bisan unsang mga programa sa mga pangagamhanan.

BUGCAON NATIONAL HIGH SCHOOL

LANTAWA:

Bugcaon National High School og Bugcaon, Lantapan, Bukidnon under the Supervision of Mr. Samuel A. Banda, Principal and faculty is offering complete Junior High School and Senior High School with HUMMS and TVL.

Ang Bugcaon National High School aduna nay kapasidad nga makig-kompetinsya ngadto sa ubang naunang mga tunghaan sa Sekondarya ilabina karon ang Senior High School, hinuon HUMMS lang ug TVL ang ilang gi-offer ngadto sa mga tinun-an apan gipaniguro ang dekalidad nga edukasyon nga mapahat sa mga tinun-an.

Sumala usab ni Mr. Banda, nga padayon ang iyang tinguha nga mapalambo pa ang tunghaan ilabina ang lakang niining pagdugang sa mga lawak tunghaan alang sa sunod tuig-tingtungha ug matakdo na nga wala nay mga tinun-ang magtuon nga magsunod sa landong sa punoan sa kahoy.

Gipasalig usab niini nga matukod ang gambalay alang sa lawak tunghaan sa sunod tuig malakip na niini ang Multi-Purpose Building/ Covered Court nga gisaad sa pangagamhanang lokal sa Lantapan pinaagi ni Hon. Ernie R. Devibar, Lantapan Municipal Mayor. (September 7, 2023)

#School Development #depEd #education

AYUDA SA NAIGO SA KALAMIDAD GITUNOL

LANTAWA:

Gitunol na ngadto sa natumbok nga mga benepesyaryo human sila maigo sa kalamidad sa milabay’ng Hunyo 21, 2023, sa kalit nga pagbaha hinungdan sa mga damyos gikan sa kabalayan, kahabtangan uban ang mga kaumahan niini sa Barangay Kulasihan ug Bugcaon. Atol sa Hatud Serbisyo sa Barangay hinayong gitunol ang ayuda hinuon gipasabot ni Hon. Ernie R. Devibar, Lantapan Municipal Mayor nga gamay ra ang kantidad kaysa sa actual nilang damyos apan gumikan sa limitado ang pundo sa lungsod hinungdan nga gibahin-bahin kini. Sumala sa nasayran nga sa Barangay Kulasihan adunay 30 kapin ka bobong samtang sa Barangay Bugcaon adunay 70 kapin ka bobong ang natumbok. Hinuon dili igo ang Singko Mil Pesoso (5,000.00) nga natunol apan nasayran nga mipahat usab ang Barangay Bugcaon sa tres mils Pesos (3,000.00) matag bobong nga dugang sa pangagamhanan.

Ang mga ayuda nga natunol gikan sa Disaster Risk Reduction gitunol kaabag ang Lantapan Disaster Risk Reduction and Management Office uban na ang 15th Sangguniang Bayan sa Lantapan sa pagpanguna ni Hon. Ricky James D. Balansag.

PUNDO ALANG SA RELOCATION GITUNOL

LANTAWA:

Hinayon nang gitunol sa amahan sa Lantapan Hon. Ernie R. Devibar ang pundo alang sa tumong niining Relocation Site sa Barangay Bugcaon. Isa ka Milyon ka Pesos ang gitunol nga gipaagi sa Cheke atol sa Hatud Serbisyo sa Barangay aron masaksihan sa kadaghanan ang pagtunol alang usab sa maong Barangay. Dako ang pagpasalamat ni Punong Barangay Cynthia R. Maraveles ang pundo nga hinayon nang natunol aron hinay-hinay silang mag-validate sa mga posibleng benepesyaryo, apan gipasabot ni PB Maraveles nga kadto lang mga Legal nga magtiayon (Kasado) ang mahatagan niini nga natumbok nilang anaa sa Informal Sites (informal settlers) ilabina ang mga kasamtangang molupyo sa daplin sa sapa, bangilid nga pulos pabor kon adunay kalamidad.

Ang alokasyon nga natunol kaabag niini ang 15th Sangguniang Bayan sa pagpanguna ni Hon. Ricky James D. Balansag, Municipal Vice Mayor.

THE SINGING PRIEST COVER A SONG DAKILANG LAHI

LANTAWA:

Paring Bukidnon; Our Singing Parish Priest of Nuestra Señora de Guadalupe, Lantapan, Bukidnon, redered a song timely for 125th Independence Day and Opening of 57th Araw ng Lantapan. Si Rev. Fr. Elric C. JOrquia ang The Singing Priest nga ania sa Lantapan, Bukidnon.